Wi snackt platt

Vörhang op för den Platt-Nawass! Bummelig 150 Schölerinnen un Schölers ut 26 Hamborger Scholen hebbt in de verleden Maanden mitmaakt bi de Vörentscheden vun den plattdüütschen Leeswettstriet vun'e Hamborger Scholen. Dörteihn vun jüm weern nu bi't grote Finale vun "Jungs un Deerns leest Platt" op de grote Bühn vun't Ohnsorg-Theater to beleven. Freit Jo dütmal bi "Wi snackt Platt" op de Geschichten vun de Winnerinnen un Winners: op Max Schröder ut de veerte Klass vun'e School Arp-Schnitger-Stieg mit de Geschicht "Appelkerne fördert de Intelligenz" vun Uta Heinrich, op Emma Hausschildt ut de sösste Klass vun Stadtdeelschool In den Reethen mit "De grote Aalkatastroph vun Finkwarder" vun Heiko Hausschildt, op Lina Weidmann ut de sövte Klass vun't Gymnasium Finkwarder mit de Geschicht "Nümms will mi hebben" vun Bernhard Koch un op Charlotte Schierwater ut de ölvte Klass vun'e Stadtdeelschool Neendörp mit den Text "De Danzmeester" vun Bolko Bullerdiek.

De Sennen an düssen Sünndag is kort vertellt: Dat gifft ne ganze Reeg wat an Platt vun Reimer Bull to hören.

De Leder in uns Sennen:
Wind vun achtern - Godewind
Kring ut Füer - Knipp Gumbo
Mama - Ina Müller
An Land - Annie Heger
Maak ik morgen - Wiebke Colmorgen & Hardy Kayser

Moderatschoon: Jürgen Fitschen

Mehr wat över Platt bi'n NDR gifft dat ünner ndr.de/platt

Bi "Wi snackt Platt" geiht dat dütmal üm de Highlights vun uns uns grote Vertell doch mal-Afsluss-Gala an’n verleden Sünndag in’t Ohnsorg-Theater. Freit Jo op twee Geschichten, mit de Schölerinnen un Schölers ut Griepswohlt den Jugendpries wunnen hebbt un op de Winnergeschicht “WG Waschdag” vun Rainer Martens ut Garding!

Mehr wat över Platt bi'n NDR gifft dat ünner ndr.de/platt

"Kuddelmuddel", dat weer düt Johr dat Thema vun "Vertell doch mal", den plattdüütschen Geschichtenwettbewarv vun'n NDR, Radio Bremen un dat Ohnsorg-Theater. Mehr as 500 Geschichten hebbt Plattsnackerinnen un Plattsnacker uns toschickt - un de söss Besten sünd an'n 14. Juni 2026 bi en grote Afsluss-Gala in't Ohnsorg-Theater in Hamborg uttekent worrn. Für de Musik an düssen Vörmiddag sorg de Hamborger Band "mahoin". Modereert hebbt de Gala Ilka Brüggemann un Yared Dibaba.

Bi "Wi snackt Platt" maakt wi dütmal Lust op en Flohmarkt, den dat an’n Maandag, den 15. Juni, in’t Foyer vun’t Ohnsorg-Theater to beleven gifft. Wi hebbt uns al vöraf mal mit Ohnsorg-Schauspelerin Meike Meiners in’n Requisiten-Fundus vun’t Ohnsorg drapen un vertellt Jo, wat dat allens bi düssen Flohmarkt to köpen gifft. Denn geiht dat ok noch üm en Mittsommer-Leesavend vun’e Hamborger Quickborn-Vereenigen an'n 20. Juni, avends vunaf Klock 7 in'e Nedderdüütsche Bibliothek in'e Petersstraat 36 - un wi sünd an en School in Neddersassen to Besöök, wo de Schölerinnen un Schölers nu blangen Französch un Spaansch nu ok Plattdüütsch as twete Fremdspraak wählen un lehren köönt.