Die Solidariteit Wêreld met Dirk Hermann

WerfNet is meer as net ʼn werwingsmaatskappy; dit is jou vennoot in die werwingsproses. In hierdie week se episode gesels Dirk Hermann met Dané Visser, direkteur van WerfNet, oor die belangrikheid van aanstellings op meriete. WerfNet het ʼn gaping in die mark gesien en is hier om jou deur die proses te lei. Kyk saam en deel jou mening oor aanstellings sonder meriete.

Terwyl die ANC politieke teater speel, word regte mense se lewens elke dag geraak. Vir die regering mag dit dalk net speel-speel wees, maar die gevolge is werklik: Duisende mense verloor hul werk en sukkel om vir hul gesinne te sorg as gevolg van die besluite wat geneem word. In hierdie week se episode gesels Dirk Hermann met Connie Mulder oor hoe rassewette teen 2030 beëindig kan word. Die rasbuffel moet val, en ons sal nie rus totdat dit gebeur nie.

In hierdie week se episode van Die Solidariteit Wêreld gesels Dirk met Jaco Kleynhans oor die F-woord: federalisme. Hulle was onlangs op ʼn toer na Europa, waar hulle meer oor federalisme en die Kanton-konsep geleer het deur verskeie lande te besoek. Alhoewel die gras nie altyd groener in Europa is nie, is dit goed om te sien dat ons stryd steeds die goeie stryd vir vryheid is.

Die reg om self te besluit – hoe lyk dit werklik? Solidariteit het wéér ʼn klagte by die IAO teen die regering ingedien, omdat hulle steeds ons keuses in die werkplek wil beheer. Hierdie klagte gaan oor vryheid: ons weier om die prys vir die regering se foute te betaal. In hierdie week se episode gesels Dirk oor Solidariteit se hoogtepunte van die afgelope week in hierdie stryd om vryheid.

Die onderwyswêreld staan op die drempel van onsekerheid. Daarom wil Solidariteit ʼn oplossing bied. In hierdie week se episode maak ons ʼn aankondiging wat die onderwyswêreld gaan verander. Johan Botha gesels met Dirk Hermann oor die stand van onderwys in Suid-Afrika en hoe Solidariteit onderwysers bystaan.